ئۆکراینا ڕەشنووسی پلانی ئاشتی بۆ ئەمریکا دەنێرێت

ئاڤا نیوز

ئەگەر هەیە ئەمڕۆ سێشەممە لایەنی ئۆکراینی پلانی ئاشتیی هەموارکراو بۆ ئەمریکا بنێرێت کە ئامانج لێی کۆتایی هێنانە بە شەڕی لەگەڵ ڕووسیا.

وێنە گەورەکە: دوای سەردانەکەی ڤۆلۆدیمیر زێلێنسکی، سەرۆکی ئۆکراینا بۆ لەندەن و کۆبوونەوەی لەگەڵ هەر یەکە لە سەرکردەکانی بەریتانیا و فەرەنسا و ئەڵمانیا، ئۆکراینا جەخت لە پاراستنی خاکی دەکاتەوە.

لێدوانی فەرمی: ڤۆلۆدیمیر زێلێنسکی، سەرۆکی ئۆکراینا ڕایگەیاند، ئۆکراینا بەدوای گەرەنتی ئەمنیدا دەگەڕێت کە لەلایەن کۆنگرێسی ئەمریکاوە پەسەندکرابێت، ئەگەری ئەوە هەیە ڕۆژی سێشەممە واتە ئەمڕۆ، ئۆکراینا ڕەشنووسی پلانی ئاشتی بۆ ئەمریکا بنێرێت پاش پێداچوونەوە بە پلانەکەدا.

 

جەخت لەوەش دەکاتەوە کە دۆناڵد ترەمپ، سەرۆکی ئەمریکا دەیەوێت کۆتایی بە شەڕەکە بهێنێت و واشنتنیش بەدوای چارەسەری سازشکاردا دەگەڕێت.

زانیاریی بەدەستهاتوو: زێلێنسکی دەشڵێت، نامانەوێت دەستبەرداری خاکی ئۆکراینا بین، چونکە مافی ئەوەمان نییە.