هۆشداری دروستبوونی لافاو لە 24 کاتژمێری داهاتوودا دەدرێت

ئاڤا نیوز

 

شەپۆلی بارانبارین تا ڕۆژی پێنجشەممە 11-12-2025، بەردەوام دەبێت، وەزارەتی گواستنەوە و گەیاندنیش هۆشداری دەدات کە سبەی چوارشەممە 10-12-2025، پێشبینی دابارینی زۆر و دروستبوونی لافاو لە گەرمیان و هەڵەبجە دەکرێت.

 

وێنە گەورەکە: لە ڕۆژەی یەکشەممەوە 7-12-2025، شەپۆلێکی بارانبارین سەرتاسەری هەرێمی کوردستانی گرتووەتەوە، بەهۆی زۆری ڕێژەی دابارینیش لە ماوەیەکی کەم، لە سنووری قەزای چەمچەماڵ لافاو دروست بوو، ئەمەش زیانی گیانی و ماددی لێکەوتەوە.

 

لێدوانی فەرمی: دیلان ڕەشاد، گوتەبێژی وەزارەتی گواستنەوە و گەیاندنی کوردستان، بە ئاڤا میدیای گوت: وەک ئەوەی پێشتریش هۆشداریمان لە مەترسی بارانبارین دابوو، جارێکی دیکە هەموو هاونیشتمانیان ئاگادار دەکەینەوە، مەترسیی ئەو شەپۆلە بارانبارینە بەردەوامە بە تایبەت لە ئیدارەی سەربەخۆی گەرمیان و پارێزگای هەڵەبجە، پێشبینی ڕێژەی زۆری دابارین و دروست بوونی لافاو دەکرێت.

 

ژمارەکان وادەڵێن: ڕێژەی بارانبارین ڕۆژی سێشەممە 9-12-2025، تا کاتژمێر نۆی بەیانی بەمجۆرە بوو:

سەنتەری شاری هەولێر: 25.6 ملم
ئیدارەی سەربەخۆی سۆران – سەنتەری سۆران: 17.2 ملم
سەنتەری قەزای کۆیە: 105 ملم
سەنتەری شاری دهۆک: 23.6 ملم
ئیدارەی سەربەخۆی زاخۆ – سەنتەری زاخۆ: 12.9 ملم
سەنتەری شاری سلێمانی:61.3 ملم
سەنتەری شاری هەڵەبجە: 54 ملم 
ئیدارەی سەربەخۆی گەرمیان – سەنتەری کەلار: 45.4 ملم
سەنتەری شاری کەرکووک: 26.4 ملم
ئیدارەی سەربەخۆی ڕاپەڕین – سەنتەری ڕانیە: 83.3 ملم

 

زانیاریی زیاتر: ڕێژەی بارانبارینی ئەمساڵ تا کاتژمێر نۆی بەیانی ئەمڕۆ سێشەممە 9-12-2025، بەمجۆرەبوو:
سەنتەری شاری هەولێر:59.1 ملم
ئیدارەی سەربەخۆی سۆران – سەنتەری سۆران: 104.9 ملم
سەنتەری قەزای کۆیە: 154.3 ملم
سەنتەری شاری دهۆک: 122.4ملم
ئیدارەی سەربەخۆی زاخۆ – سەنتەری زاخۆ: 112.6ملم
سەنتەری شاری سلێمانی:135.9ملم
سەنتەری شاری هەڵەبجە: 131.8 ملم 
ئیدارەی سەربەخۆی گەرمیان – سەنتەری کەلار : 84.5 ملم
سەنتەری شاری کەرکووک: 39.4 ملم
ئیدارەی سەربەخۆی ڕاپەڕین – سەنتەری ڕانیە: 162.7 ملم

ئەوەی پێویستە بیزانیت: بڕی بارانبارینی پێشبینیکراو بۆ سبەی چوارشەممە 10-12-2025، بەمجۆرەیە:

سەنتەری شاری هەولێر: 15 - 25 ملم
ئیدارەی سەربەخۆی سۆران – سەنتەری سۆران: 15 - 30 ملم
سەنتەری قەزای کۆیە: 25 - 35 ملم
سەنتەری شاری دهۆک: 5 - 10 ملم
ئیدارەی سەربەخۆی زاخۆ – سەنتەری زاخۆ: 5 – 10 ملم
سەنتەری شاری سلێمانی: 30- 40 ملم
سەنتەری شاری هەڵەبجە: 40 - 50 ملم 
ئیدارەی سەربەخۆی گەرمیان – سەنتەری کەلار: 40 – 50 ملم
سەنتەری شاری کەرکووک: 25 – 35 ملم
ئیدارەی سەربەخۆی راپەڕین – سەنتەری ڕانیە: 25 – 35 ملم

 

باکگراوند: ڕۆژی یەکشەممە 7-12-2025، وەزارەتی گواستنەوە و گەیاندن هۆشداری دا لە مەترسی زۆری ڕێژەی بارانبارین و دروست بوونی لافاو لە سنووری ئیدارەی سەربەخۆی گەرمیان و پارێزگای هەڵەبجە و پارێزگای سلێمانی.