بۆ هاوکاریکردنی زیانلێکەوتووان داوا لە ڕێکخراوەکان دەکرێت هەوڵەکانیان بخەنەگەڕ

ئاڤا نیوز

 

فەرمانگەی ڕێکخراوە ناحکومیەکان داوا لە ڕێکخراوەکان دەکات، بەمەبەستی کەم کردنەوەی زیانەکان هەوڵەکانیان بخەنەگەڕ بۆ هەماهەنگی زیاتر و هاوکاریی پێویستی زیانلێکەوتووان.

 

وێنە گەورەکە: لە 24 کاتژمێری ڕابردوودا شەپۆلێکی بەهێزی بارانبارین هەرێمی کوردستانی گرتووەتەوە و لە چەند شوێنێک بووەتە هۆی دروستبوونی لافاو بەتایبەت لە چەمچەماڵ. هاوکات  کەشناسیی کوردستان هۆشداری ئەوە دەدات لە 24 کاتژمێری داهاتوودا لە گەرمیان و پارێزگای هەڵەبجە مەترسیی دروستبوونی لافاو هەیە.

 
ڕاگەیێنراوی فەرمی: لەبارەی گەیاندنی دەستی هاوکاری و بەهاناوەچوونی زیانلێکەوتووانی لافاوەکەی چەمچەماڵ، فەرمانگەی ڕێکخراوەکانی ناحکومیی هەرێمی کوردستان داوا لە ڕێکخراوەکانی کۆمەڵگەی مەدەنی دەکات هەوڵەکانیان بخەنەگەڕ بۆ هەماهەنگی زیاتر و هاریکاریی پێویست بۆ کەم کردنەوەی زیانەکان.

 

-بەپێویستیشی دەزانن هاوکاری و هەماهەنگییەکان لەڕێگەی وەزارەتی ناوخۆی حکومەتی هەرێمی کوردستان و پارێزگا و ئیدارە سەربەخۆکان و ناوەندی هاوبەشی هەماهەنگی قەیرانەکان ئەنجام بدەن.