قایمقامی چەمچەماڵ: زیاتر لە 500 ماڵ بەهۆی لافاوەکە زیانیان بەرکەوتووە

ئاڤا نیوز

 

لێدوانی فەرمی: ڕەمک ڕەمەزان، قایمقامی چەمچەماڵ لە کۆنگرەیەکی ڕۆژنامەنووسیدا ڕایگەیاند، لە مێژووی چەمچەماڵ کارەساتی هاوشێوە ڕووینەداوە. بەهۆی دروستبوونی لافاو تائێستا دوو کەس گیانیان لەدەستداوە و 12 کەسیش بریندار بوون و چارەسەریان بۆ کراوە و هەموویان دۆخیان جێگیرە، هیچ کەسێکیش بێسەروشوێن نییە.

-تەنها لە چەمچەماڵ زیاتر لە 500 ماڵ زیانیان بەرکەوتووە، جگە لەوەی زیان کەوتووە بە چەندین فەرمانگەی حکومی، بازاڕ و دووکان، ئۆتۆمبێل و کەلوپەل، ئەو هاونیشتمانیانەی شۆفڵ و ئامێریان هەبووە هاوکاریی تیمەکانی حکومەت بوون، ئەگەرنا قوربانییەکان زیاتر دەبوون و قەبارەی زیانەکانیش بەرزتر دەبوونەوە.

 

نوێ دەکرێتەوە..