پەیامی بارەگای بارزانی لەبارەی لافاوەکەی چەمچەماڵ

ئاڤا نیوز

 

بارەگای بارزانی ڕاگەیێنراوێکی لەبارەی ڕووداوەکانی لافاوەکەی کەرکووک و چەمچەماڵ و لەیلان بڵاوکردەوە. داوا لە دەزگای خێرخوازیی بارزانی دەکات بەزووترین کات بە هانای لێقەوماوان و زیانلێكەوتوانی ڕووداوەکە بچن.

 

وێنە گەورەکە:  لە 24 کاتژمێری ڕابردوودا شەپۆلێکی بەهێزی بارانبارین هەرێمی کوردستانی گرتووەتەوە و لە چەند شوێنێک بووەتە هۆی دروستبوونی لافاو بەتایبەت لە چەمچەماڵ. بارەگای بارزانی لەو بارەیەوە داوای بە هاناوەچوونی زیانلێکەوتووان دەکات.

 

ڕاگەیێنراوی فەرمی: بارەگای بارزانی ڕایگەیاند، لە ئەنجامی بارانبارینی زۆر و لافاوەوە لە سنووری قەزای چەمچەماڵ و لەیلان لە كەركووك سێ هاووڵاتی گیانیان لەدەستدا و ژمارەیەكی دیکەش بریندار بوون، "پرسە و سەرخۆشیی خۆمان ئاراستەی خانەوادە و كەسوكاری قوربانیان دەكەین و لە خودای گەورە داواكارین گیانی خوالێخۆشبوان بە بەهەشتی بەرین شاد بكات و سەبر و ئارامی بە كەسوكاریان ببەخشێت، هەروەها هیوای چاكبوونەوەی خێرا بۆ برینداران دەخوازین".

 

- بارەگای بارزانی داوا لە دەزگای خێرخوازیی بارزانی دەكات، بەزووترین كات بە هانای لێقەوماوان و زیانلێكەوتوانی ئەو ڕووداوە بچن و "ئەوەی لە توانایاندا بێت بۆ یارمەتیدانیان ئەنجام بدەن".