بەهۆی لافاو ڕێگایەکی سەرەکیی سنووری گەرمیان دادەخرێت

ئاڤا نیوز

 

بەهۆی لافاو، دەروازەی ڕێگای کفری – کەلار داخرا، قایمقامیەتی قەزای کفری داوا لە هاونیشتمانیان دەکات پابەندی ڕێنماییەکان بن.

 

چیرۆکی سەرەکی: دوای ئەوەی دوێنێ لافاو لە سنووری چەمچەماڵ و چەند ناوچەیەکی دیکەی سنووری ئیدارەی سەربەخۆی گەرمیان و پارێزگای کەرکووک دروست بوو، بەهۆی بەردەوامی شەپۆلی بارانبارینەکە هێشتا مەترسی دروستبوونی لافاو لە چەند ناوچەیەک لە گەرمیان و هەڵەبجە هەیە.

 

ئەوەی ئێستا ڕوودەدات: بەهۆی لافاو ڕێگەی دەروازەی کفری – کەلار داخرا و بەهیچ شێوەیەک ڕێگە بە هاتووچۆی ئۆتۆمبێل نادرێت.

 

ڕاگەیێنراوی فەرمی: قایمقامیەتی قەزای کفری دووپاتی دەکاتەوە، لەبەر سەلامەتیی گشتی ئەو ڕێگایە داخراوە و ڕێگە بە هاتووچۆی ئۆتۆمبێل نادرێت، داواش لە هاونیشتمانیان دەکەین پابەندی ڕێنماییەکان بن.