چیرۆكێكی ناخهەژێنی تەكیە؛ دایکێک لەجیاتی شیر ئاو بە منداڵەكانی دەدات

ئاڤا نیوز

 

لە تەكیەی كاكەمەند، تیمی ئاڤا بە هانای خانەوادەیەكی كرێچییەوە دەچێت كە هەموو كەرەستەكانی ماڵەكەیان ئاو بردوویەتی، تەنانەت خواردنی ڕۆژانەیان نەماوە و خانمی ماڵەكە لەجیاتی شیر، ئاو بە منداڵەكەی دەدات.

 

لێدوانی فەرمی: خانمی ماڵەكە بە ژوان قەرەداغی دەڵێت، جگە لە ئاڤا هیچ كەس و لایەنێك بەدەمیانەوە نەهاتووە، جگە لەوەی خۆیان لە خانووی كرێن، سەرەتاییترین كەرەستەی نێو ماڵەكەیان نەماوە و ئاو بردوویەتی.

 

ژوان دەرگای سەلاجەی ئەو ماڵە دەكاتەوە، جگە لە قاپێك برنجی سارد و سڕی سێ ڕۆژ لەمەوبەر هیچی دیكەی تێدا نییە، هاوكات شیری منداڵەكەی نییە و لەجیاتی شیر، ئاوی بۆ لە قوتووی شیر دەكات.

 

چارەسەرەکان: ژوان مزگێنی بە خانەوادەكە دەدات كە هەر ئێستا بارهەڵگرێكی پڕ لە خۆراك و كەرەستەی پێویست لە نووسینگەی سلێمانیی ئاڤا میدیاوە بەرەو تەكیە بەڕێوەیە، بەڵێن بە خانمی ماڵەكە دەدات، یەكەم شوێنی تەكیە كە كۆمەك و هاوكارییەكانی پێ بگات، ئەو ماڵە دەبێت.

 

زانیاریی زیاتر: خێرخوازان دەتوانن بە چەند جۆرێک بەشدار بن لە کەمپەینەکەدا، ناردنی پارە لەڕێگەی (FIB)، بەخشینی پارە بە کاش لە ئۆفیسی ئاڤا، هێنانی خۆراک و کەلوپەل بۆ بەردەم ئۆفیسی ئاڤا لە هەولێر. ئۆفیسی سەرەکیی ئاڤا دەکەوێتە ڕێگای سەرەکی هەولێر - پیرمام، پشت فیردەوس سیتی.  

 

پەیوەندی بکەن بەم ژمارانە؛

5888 171 0770

5020 803 0750

 کیو ئاڕ کۆدی (FIB)