شەمۆ لەڕێی ئاڤاوە پەیامێک بە هونەرمەندان و خەڵكی كوردستان دەگەیێنێت

ئاڤا نیوز

 

هونەرمەند ئەیام ئەكرەم ناسراو بە (شەمۆ) لەڕێی ئاڤا میدیاوە داوا لە هونەرمەندان و تێكڕای هەوادارانی لە سەرانسەری كوردستان دەكات، بەدەنگ لێقەوماوانی چەمچەماڵ بچن و هەرچییان لەدەستدێت درێغی نەكەن. 

 

چیرۆکی سەرەکی: هونەرمەندی ناوداری هەرێمی كوردستان، ئەیام ئەكرەم ناسراو بە (شەمۆ) بەشداریی لە 'هەڵمەتی ئاڤا میدیا' بۆ دەنگەوەهاتنی لێقەوماوانی چەمچەماڵ كرد و لەڕێگەی مایكی ئاڤاوە پەیامێكی بە هونەرمەندان و هەوادارانی گەیاند.

 

لێدوانی فەرمی: شەمۆ داوای لە تێكڕای هەوادارانی لە سەرتاسەری هەرێمی كوردستان بەگشتی و هونەرمەندان بەتایبەت كرد، بەشداریی هەڵمەتەکەی ئاڤا میدیا بكەن و بەدەنگ لێقەوماوانی لافاوەكەی چەمچەماڵەوە بچن و ئەوەی لەدەستیان دێت درێغی نەكەن.

 

ئەیام ئەكرەم ستایشی ئاڤا میدیاشی كرد كە بەو ئەركە مرۆیی و نیشتمانیە هەڵساوە و هەمیشە سەلماندوویەتی كە میدیای خەڵكە و هیوای بەردەوامبوونی بۆ خواستن.

 

زانیاریی زیاتر: خێرخوازان دەتوانن بە چەند جۆرێک بەشدار بن لە کەمپەینەکەدا، ناردنی پارە لەڕێگەی (FIB)، بەخشینی پارە بە کاش لە ئۆفیسی ئاڤا، هێنانی خۆراک و کەلوپەل بۆ بەردەم ئۆفیسی ئاڤا لە هەولێر. ئۆفیسی سەرەکیی ئاڤا دەکەوێتە ڕێگای سەرەکی هەولێر - پیرمام، پشت فیردەوس سیتی.  

 

پەیوەندی بکەن بەم ژمارانە؛

5888 171 0770

5020 803 0750

 کیو ئاڕ کۆدی (FIB)