باراک: هەر هێرشێک بۆ سەر ئەمریکییەکان بە سزای خێرا وەڵام دەدرێتەوە

ئاڤا نیوز

دوای ئەوەی ئەمریکا کوژران و برینداربوونی ژمارەیەک سەرباز و کارمەندیی لە سووریا ڕاگەیاند، نێردەی ئەمریکا بۆ سووریا جەختی لەوە کردەوە کە وڵاتەکەی پاشەکشە ناکات تا داعش بەتەواوی لەناو دەچێت و دووپاتیدەکاتەوە کە هەر هێرشێک بۆ سەر ئەمریکییەکان بە ڕووبەڕووی وەڵامدانەوەی خێرا و یەکلاکەرەوە دەبێتەوە.

چی ڕوودەدات: فەرماندەیی ناوەندیی ئەمریكا ڕایگەیاند، لە ئەنجامی بۆسەی چەکدارێکی ڕێکخراوی داعش لە سووریا، دوو سەربازی ئەمریکی و وەرگێڕێک کوژراون و سێ سەربازی دیکەش برینداربوون.

لێدوانی فەرمی: تۆم باراک، نوێنەری ئەمریکا بۆ سووریا ڕایگەیاند، پاشەکشە ناکەین تا داعش بە تەواوی لەناو دەچێت و جەختیشی لەوە کردەوە کە هەر هێرشێک بۆ سەر ئەمریکییەکان سزای خێرا و یەکلاکەرەوەی لێدەکەوێتەوە.

زانیاریی زیاتر: لەبارەی هێزەکانی ئەمریکا لە سووریا باراک دەڵێت ژمارەیەکی سنووردار لە هێزەکانی ئەمریکا لە سووریا جێگیرکراون بۆ تەواوکردنی ئەرکی تێکشکاندنی داعش بۆ یەکجارەکی و ڕێگریکردن لە گەڕانەوەی.