ترەمپ: لە هەموو کات زیاتر لە ڕێککەوتنی ئاشتی ڕووسیا و ئۆکراینا نزیکین

ئاڤا نیوز

لەدرێژەی هەوڵەکانی ئەمریکا بۆ دۆزینەوەی چارەسەر بۆ قەیرانی ئۆکراینا، سەرۆکی ئەمریکا ئاشکرای دەکات، لە دانوستانەکاندا پێشکەوتنی باش بەدەستهاتووە و لە هەموو کات زیاتر نزیکبوونەتەوە لە چارەسەر.

وێنە گەورەکە: ماوەی دوو ڕۆژە شاندی دانوستانکاری ئەمریکا لە بەرلین لەگەڵ شاندی ئۆکراینا و سەکردەکانی ئەوروپا بەردەوامە لە گفتوگۆکردن کە ئامانج لێی ڕاگرتنی شەڕی نێوان ڕووسیا و ئۆکراینایە کە لە چوارەم ساڵی نزیکدەبێتەوە.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، لەگەڵ ژمارەیەک لە سەرکردەکانی ئەوروپا گفتوگۆیەکی زۆر باش و درێژم ئەنجام داوە وا دیارە کارەکان بە باشی دەڕۆن، هەرچەندە ماوەیەکی زۆرە ئەمە دەڵێین و دۆخەکە سەختە.

-دەشڵێت، پێموایە ئێستا لە هەموو کات زیاتر نزیکین لە چارەسەر.