پووتین: ئەگەر بە دیپلۆماسییەت نەگەینە ئامانجەکانمان بە شەڕ بەدەستیان دەهێنین

ئاڤا نیوز

سەرۆکی ڕووسیا، لە کۆبوونەوەیەکی فراوانی وەزارەتی بەرگری وڵاتەکەی ڕایگەیاند، هێزەکانی ڕووسیا دەستپێشخەرییان لە تەواوی بەرەکانی جەنگدا هەیە و جەختی لە گرنگی هێزی ئەتۆمی کردەوە بۆ ڕاگرتنی هاوسەنگیی جیهانی.

وێنە گەورەکە: ڕووسیا ڕەتی دەکاتەوە هیچ ویستێکی بۆ جەنگ دژی ئەوروپا هەبێت و جەخت لەوە دەكاتەوە خاکە مێژوویەکانی خۆیان دەوێتەوە و بە هەرجۆرێک بێ وەریاندەگرنەوە.

لێدوانی فەرمی: ڤلادیمێر پووتین، سەرۆکی ڕووسیا ڕایگەیاند، سوپای ڕووسیا دەستپێشخەری ستراتیژی لە تەواوی بەرەکانی شەڕدا گرتووەتە دەست و بە دڵنیاییەوە پێشڕەوی دەکات و چەکی ئەتۆمی ئێمە لە هەموو هێزە ئەتۆمییەکانی دیکە پێشکەوتووترە و ڕۆڵێکی سەرەکی دەگێڕێت لە ڕاگرتنی دەستدرێژیکاران و پاراستنی هاوسەنگی هێز لە جیهاندا.

لە بەشێکی دیکەی قسەکانیدا وتی، پێمان باشە لە ڕێگەی دیپلۆماسییەوە ئامانجەکانمان بەدی بهێنین، بەڵام ئەگەر لایەنی بەرامبەر و سپۆنسەرەکانیان ڕەتی بکەنەوە، ئەوا ڕووسیا خاکە مێژووییەکانی خۆی بە هێزی سەربازی ئازاد دەکاتەوە.

زانیاریی زیاتر: پووتین لەبارەی ئەوروپاوە وتی، وڵاتەکەی ویستی شەڕی لەگەڵ ئەوروپا نییە و خۆئامادەکردنی وڵاتانی ئەوروپا بۆ ساڵی 2030 بێ مانایە.