باڵیۆزخانەی عێراق لە واشنتن: مۆڵەتی شەڕی دژی تیرۆر بەردەوامە

ئاڤا نیوز

باڵیۆزخانەی عێراق لە واشنتن ئەمڕۆ هەینی کاردانەوەی بەرامبەر بڕیاری کۆتاییهێنان بە بەکارهێنانی هێزی سەربازی دژی عێراق نیشاندا و جەختیکردەوە کە مۆڵەتی شەڕی دژی تیرۆر هێشتا کاری پێدەکرێت.

چیرۆکی سەرەکی: هەفتەی ڕابردوو، ئەنجوومەنی نوێنەرانی ئەمریکا بە زۆرینەی دەنگ مۆڵەتەکانی بەکارهێنانی هێزی سەربازی پەیوەندیدار بە عێراقی هەڵوەشاندەوە، ئەمەش وەک بەشێک لە پڕۆژەیاسای "مۆڵەتی بەرگریی نیشتمانی" کە سیاسەتە سەربازییەکانی واشنتن دیاری دەکات.

لێدوانی فەرمی: لە بەیاننامەکەی باڵیۆزخانەدا هاتووە: "بە پەسەندکردنی پڕۆژە یاسای مۆڵەتی بەرگریی نیشتمانی ساڵی 2026 لەلایەن سەرۆکی ئەمریکا دۆناڵد ترەمپەوە، مۆڵەتەکانی بەکارهێنانی هێزی سەربازی دژی عێراق بۆ ساڵانی 1991 و 2002 بە شێوەیەکی یەکجارەکی کۆتایی پێهێنرا." 

- هەروەها باڵوێزخانە ئاماژەی بەوەداوە: "ڕابردووی جەنگ تێپەڕێنرا، بەڵام لە هەمان کاتدا مۆڵەتێکی تایبەت بە شەڕی دژی تیرۆر هەیە هێشتا کاری پێدەکرێت."