میلیشیاکانی عێراق لە ترسی ئەمریکا چەک دادەنێن

ئاڤا نیوز

بە گوێرەی شیکارییەکی ئاژانسی دویچە ولەی ئەڵمانی دوای هەڕەشەکانی ئەمریکا بۆ چەکداماڵینی میلیشیاکان، زۆر لەو گرووپانەی عێراق ڕایانگەیاندووە ئامادەن چەکەکانیان دابنێن.

وێنە گەورەکە: هەوڵەکان بۆ پێکهێنانی حکومەتی عێراق بەردەوامن؛ هەر چەندە ئەمریکا نایەوێت دەستوەردان لە پێکێنانیدا بکات، بەڵام دەیەوێت حکومەتی داهاتوو لە ئێرانەوە دوور بێت. دەشیەوێت میلیشیاکان چەکدابنێن و زۆرێک لە میلیشیاکانیش ئامادەیی خۆیان بۆ چەکدادان دربڕیوە. 

لێدوانی فەرمی: فوئاد حسێن، وەزیری دەرەوەی عێراق، ڕایگەیاند: ئەمریکا لیستێکی لە کەس و کۆمەڵە چەکدارەکان درووست کردووە کە بە گوێرەی یاسا و سیاسەتەکانی ئەمریکا هێڵی سوورن.

زانیاریی زیاتر: بە گوێرەی ڕاپۆرتەکە چەند کەس و کۆمەڵەیەک هەن کە ئەمریکا نایەوێت هیچ یەک لەوانە ببنە کاندیدی سەرۆکوەزیران بۆ حکومەتی داهاتووی عێراق یان لە پێکهێنانیدا بەشدار بن.