عێراق و پاکستان لەبواری ئابووریی و سەربازییدا پەیوەندییەکانیان بەهێز دەکەن

ئاڤا نیوز

هەردوو سەرۆککۆماری عێراق و پاکستان لە بەغدا کۆبوونەوە و داوای ئارامی و ئاسایشی ناوچەکەیان کرد، بە پێویستیان زانی حکومەتی هەردوو وڵاتیش لەبوارەکانی ئابووریی و سەربازییدا پەیوەندییەکانیان زیاتر بەهێز بکەن.

چیرۆکی سەرەکی: دوێنێ شەممە، ئاسف عەلی زرداری، سەرۆکی پاکستان بە سەردانێکی فەرمی چەند ڕۆژە گەیشتە بەغدا، ئامانجی سەردانەکەش بۆ پەرەپێدانی پەیوەندییەکانی نێوان هەردوو وڵاتە لەبوارە جیاوازەکاندا.

ڕاگەیێنراوی فەرمی: سەرۆکایەتی کۆماری عێراق بڵاویکردەوە، ئەمڕۆ یەکشەممە لەتیف ڕەشید، سەرۆککۆماری عێراق لە کۆشکی سەلام لە بەغدا پێشوازی لە ئاسف عەلی زرداری، سەرۆکی پاکستان کرد، لە کۆبوونەوەکەدا باس لە دۆخی ناوچەکە و پێویستی یەکهەڵوێستی کرا بۆ پشتیوانی ئارامی و ئاسایشی ناوچەکە.

لە کۆبوونەوەکە باس لە پتەوکردنی هەماهەنگی لەبوارەکانی ئابووری، بازرگانی، پێکەوەبەستنەوەی دەریایی، زانستی و کولتووری کراوە، بە پێویستیش زانراوە هەماهەنگی لەبوارەکانی ئەمنی و سەربازیدا هەبێت و سوود لە ئەزموونی پاکستان وەربگیرێت، بۆ گەشەپێدانی توانای ئاسمانی هێزەکانی عێراق.