هێزە سوننییەکان بۆ یەکلاکردنەوەی کاندیدی سەرۆکی پەرلەمان لە کۆبوونەوەدان

ئاڤا نیوز

لایەنەکانی "ئەنجوومەنی سیاسیی نیشتمانی"، کە هێزە سیاسییە سوننییەکانی عێراق لەخۆدەگرێت، بۆ یەکلاکردنەوەی کاندیدی سەرۆکی پەرلەمان لە ماڵی سابت عەباسی، سەرۆکی هاوپەیمانی "حەسم" لە کۆبوونەوەدان.

وێنە گەورەکە: سەرەڕای دیاریکردنی ڕۆژی 29ـی کانوونی یەکەم وەک یەکەم دانیشتنی خولی نوێی پەرلەمانی عێراق، تاوەکو ئێستا شیعە، سوننە و کورد نەگەیشتوونەتە ڕێککەوتن لەسەر دیاریکردنی کاندید بۆ پۆستەکانی سەرۆکوەزیران، سەرۆکی پەرلەمان و سەرۆککۆمار. بڕیارە ئەمشەو سوننەکان کاندیدێک بۆ پۆستی سەرۆکی پەرلەمان یەکلا بکەنەوە.

زانیاریی بەدەستهاتوو: سەرچاوەیەکی ئاگادار بە ئاڤای ڕاگەیاند، "هێزە سیاسییە سوننییەکانی ناو ئەنجوومەنی سیاسیی نیشتمانی، لە ماڵی سابت عەباسی، سەرۆکی هاوپەیمانی "حەسم" لە کۆبوونەوەیەکی گرنگدان.

زانیاریی زیاتر: سەرچاوەکە وتیشی، "بڕیارە هێزە سوننییەکان لە میانی کۆبوونەوەکەدا، پرسی کاندیدی سەرۆکی پەرلەمان یەکلا بکەنەوە."