لایەنە شیعیەکان بۆ دیاریکردنی سەرۆکوەزیرانی داهاتوو کۆبوونەوەیەکی بەپەلە دەکەن

ئاڤا نیوز

 

 لایەنەکانی نێو چوارچێوەی هەماهەنگی کۆبوونەوەیەکی بەپەلەیان بۆ تاوتوێکردنی مەلەفی هەڵبژاردنی سەرۆکوەزیرانی حکومەتی داهاتوو دەستپێکردووە.

 

لێدوانی فەرمی: سەرچاوەیەکی ئاگادار بە ئاڤای ڕاگەیاند، کۆبوونەوەکە لە نووسینگەی هومام حەمودی بەڕێوەدەچێت. تێیدا ئەو میکانیزمەکانە تاوتوێ دەکرێن کە سەرۆکوەزیرانی داهاتووی پێ دیاری بکرێت بەپێی ئەو وادە دەستوورییانەی کە لەبەردەمدان . 

 

زانیاری زیاتر: بە وتەی سەرچاوەکە، بەشداربووانی کۆبوونەوەکە جگە لە پرسی حکومەت، باس لە بارودۆخی گشتی وڵات و دوایین پێشهاتەکانی ناوچەکە و کاریگەرییەکانیان لەسەر کاروباری ناوخۆی عێراق دەکەن.

 

باکگراوند: ئەم جموجوڵانەی چوارچێوەی هەماهەنگی لە کاتێکدایە کە هێزە سیاسییەکان هەوڵ دەدەن دەستنیشانکردنی سێ سەرۆکایەتییەکە کۆمار، وەزیران، پەرلەمان یەکلایی بکەنەوە، بەتایبەت بڕیارە ڕۆژی 29ی ئەم مانگە کانوونی یەکەم یەکەم دانیشتنی خولی نوێی ئەنجومەنی نوێنەران بەڕێوەبچێت، دوای ئەوەی سەرۆککۆمار داوای کردبوو لەو وادەیەدا پەرلەمان کۆببێتەوە.