ڕۆژێک پشووی فەرمی لە عێراق ڕادەگیێنرێت

ئاڤا نیوز

بە بۆنەی یادی لەدایکبوونی حەزرەتی مەسیح، حکومەتی عێراق بڕیاری دا ڕۆژی پێنجشەممەی داهاتوو لە سەرجەم دامودەزگاکانی دەوڵەتدا پشووی فەرمی بێت.

ڕاگەیێنراوی فەرمی: ئەمڕۆ سێشەممە، 23-12-2025، نووسینگەی ڕاگەیاندنی سەرۆکوەزیرانی عێراق لە بەیاننامەیەکدا ڕایگەیاند: "بە بۆنەی یادی لەدایکبوونی حەزرەتی مەسیح، ڕۆژی پێنجشەممە ڕێکەوتی 25-12-2025 لە تەواوی دامەزراوە حکومییەکاندا پشووی فەرمی دەبێت."

باکگراوند: پێشتر لە یاسای پشووە فەرمییەکاندا، یادی لەدایکبوونی مەسیح تەنیا بۆ مەسیحییەکان وەک پشوو دیاریکرابوو، ئەمەش ناڕەزایەتیی بەشێک لە پێکهاتەکانی لێکەوتبووەوە؛ بەڵام بۆ ئەمساڵ بڕیارەکە گشتگیر کراوە و هەموو پێکهاتەکانی وڵات دەگرێتەوە.

ئەوەی پێویستە بیزانیت: لە کاتێکدا لە عێراق تەنیا یەک ڕۆژ پشووە، حکومەتی هەرێمی کوردستان پشوویەکی درێژخایەنی بۆ سەری ساڵ ڕاگەیاندووە کە لە ڕۆژی پێنجشەممە 25-12-2025 دەستپێدەکات و تاوەکو 03-01-2026 بەردەوام دەبێت.