ڕووسیا هێرشی کردە سەر شارێک و پاشەکشەی بە سوپای ئۆکرانیا کرد

ئاڤا نیوز

 

هێزەکانی ڕووسیا لە پێشڕەوییەکانیان بەردەوامن و لە نوێترین پێشهاتدا، سوپای ئۆکرانیا بە فەرمی کشانەوەی هێزەکانی لە شاری سیڤێرسک  ڕاگەیاند.

 

ڕاگەیێنراوی فەرمی: دەستەی ئەرکانی سوپای ئۆکرانیا ڕایگەیاند، بەهۆی ئەوەی ڕووسیا توانیوویەتی پێشڕەویی زۆر بکات و ژمارەیەکی زۆریی هێزەکانی لەوێ جێگیر بکات، هێزەکانمان لە شاری سیڤێرسک لە ڕۆژهەڵاتی وڵاتەکە کشاندووەتەوە.

 

هۆکارە زانراوەکان: ئۆکرانیا لەبارەی ئەم کشانەوەیە دەڵێت: "ئامانج لێی پاراستنی گیانی سەربازەکان و کەرەستە سەربازییەکان بووە، سەرەڕای ئەوەی زیانێکی زۆریان بە دوژمن گەیاندووە".

 

ئەمەش بزانە: کەوتنی شاری سیڤێرسک لە کاتێکدایە، ڕووسیا پێشتر وتبووی کە ئەو ناوچەیەی کۆنترۆڵ کردووە، بەڵام ئەوکات کیێڤ ڕەتی کردەوە، ئێستا مۆسکۆ ئۆپەراسیۆنەکانی بە درێژایی هێڵی پێشەوە فراوان کردووە و هەڕەشە لە شارە سەرەکییەکانی هێڵی بەرگریی ئۆکرانیا دەکات.

 

باکگراوند: شەڕی ڕووسیا و ئۆکرانیا لە چوارەم ساڵی نزیک دەبێتەوە و هەوڵەکانی ئەمریکا بەردەوامن بۆ ئەوەی هەردوو لایەنی ڕووسی و ئۆکرانی بە ڕێککەوتنی ئاشتی ڕازی بکات.