هاتووچۆی سلێمانی شۆفێران ئاگادار دەكاتەوە

ئاڤا نیوز

 

بەڕێوەبەرایەتیی هاتووچۆی سلێمانی شۆفێران ئاگادار دەكاتەوە كە بەهۆی نزمبوونەوەی پلەكانی گەرما و دروستبوونی تەمێكی زۆر لە سەنتەری شاری سلێمانی و دەوروبەری، ئاستی بینین دابەزیوە، بۆیە پێویستە بە هەستیارییەوە شۆفێری بكەن و خێرایی لێخووڕین كەم بكەنەوە.

 

وێنە گەورەكە: بەگوێرەی پێشبینییەكانی كەشوهەوا، بەفر و بارانبارین لە زۆربەی ناوچەكانی هەرێمی كوردستان دەستپێدەكاتەوە، هاوكات پلەكانی گەرما دادەبەزن و ڕێژەی تەمومژ لە ناوچە شاخاوییەكان تەنانەت لە سەنتەری شار و شارۆچكەكانیش بەرز دەبێتەوە، بەهۆیەوە ئاستی بینین بەڕێژەیەكی بەرچاو نزم دەبێتەوە.

 

ڕاگەیێنراوی فەرمی: بەڕێوەبەرایەتیی هاتووچۆی پارێزگای سلێمانی لە بڵاوكراوەیەكدا شۆفێران ئاگادار دەكاتەوە كە بەهۆی نزمبونەوەی پلەکانی گەرماو دروستبوونی تەمێکی زۆر لەشاری سلێمانی و دەوروبەری، ئاستی بینین دادەبەزێت.

 

هاتووچۆی سلێمانی داوا لە شۆفێران دەكات پابەندی یاسا و ڕێنماییەکانی هاتووچۆ بن، خێرایی ئۆتۆمبێلەکانیان کەم بکەنەوە و گرنگی بدەن بەلایتی ئۆتۆمبێلەکانیان، بەتایبەت لایتی تەم بەکاربهێنن و بەدوور بن لە بەکارهێنانی لایتی بەرز (فوول لایت)، ئەو ئۆتۆمبێلانەش کە لایتی ئۆتۆمبێلەکانیان ئیش ناکات، نەهێندرێنە سەر شەقام، تاوەکو بەدوور بن لە ڕووداوی هاتووچۆ.

 

ئەوەی پێویستە بیزانیت: هاتووچۆی سلێمانی شۆفێران ئاگادار دەكاتەوە كە بۆ کارێکی زۆر پێویست نەبێت سەردانی ڕێگاکانی دەرەوەی شار نەکەن، چونکە لە چەندین شوێندا تەم هەیەو ئاستی بینین بۆ چەند مەترێک دابەزیوە.