ئاڤا لە شۆڕش خانوویەک بە خانەوادەیەکی پێشمەرگە دەبەخشێت

ئاڤا نیوز

 

خێزانێکی کەمدەرامەتی پێشمەرگە کە یەکێکن لە لێقەوماوانی لافاوەکەی شۆڕش لە ڕێگای ئاڤا خانوویەکی نوێیان پێدەدرێت.

 

چیرۆکی سەرەکی: خێزانێکی کەمدەرامەت و زیانلێکەوتوویی لافاوەکەی ناحیەی شۆڕش، خاونی منداڵی ئۆتیزمن، بەهۆی لافاوەکەی ئەم دواییە ماڵەکەیان وێران بوو، جگە لە کاریگەریی لافاوەکە، بەهۆی هەژارییەوە، نەیاندەتوانی کرێی مانگانەی خانووەکەیان دابین بکەن، خێرخوازان و سەرمایەداران لە ڕێگای ئاڤاوە، هاوکارییان گەیاندە ئەو خێزانە، خانوویەکی نوێ بە سەرجەم کەلوپەلەکانی ناو ماڵ پێشکەشی ئەو خێزانە کرا.

 

- کۆچەر خان، لە پەخشی ڕاستەوخۆی ئاڤا قسە کرد و وتی: سوپاسی ئاڤا و کاک هەوراز دەکەین، مەدالیایی ئارامیتان بە من بەخشی، سوپاسی هەمووی ستافی ئاڤا دەکەم، ئێمە مردوود بووین سوپاس بۆ خودا لە ڕێگای ئێوە ژیانمان گۆڕا.

 

لەلایەکی دیکە: شاخەوان، هاوسەری کۆچەر خان، وتی: ئەوەی ئێوە کردتان کارێکی زۆر گەورەیە، هەرگیز لە بیری ناکەین، سوپاسی هەموو ئەو کەسانە دەکەین بەهانەوەمان هاتن.

 

باکگراوند: ئاڤا میدیا هەر لە سەرەتای لافاوی ناوچە جیاوازەکانی هەرێمی کوردستان، کەمپەینێکی هاوکاری ڕاگەیاند، بەم هۆیەوە سەدان خێرخواز و سەرمایەدار بەشداریان کرد، دەیان خانوو بە زیانلێکەوتووانی ئەو ناوچانە بەخشرا.