چاککردنی ڕێگاوبانی هەولێر: ڕێگای سەفین و زینەتیر بەکارمەهێنن، چونکە لە نێو بەفر گیر دەخۆن

ئاڤا نیوز

بەڕێوەبەرایەتیی چاککردنی ڕێگاوبانی هەولێر ئاماژە بەوەدەدات، کە شەپۆلی بەفربارین بەردەوامە و ڕێگاکان سەخت بوون، داوا لە شوێفران دەکات ڕێگاکانی پێچەکانی سەفین و پێچەکانی زینەتیر بەکارنەهێنن.

 

چیرۆکی سەرەکی: لە شەوی هەینیەوە شەپۆلێکی بەفر و بارانبارین ڕووی لە ناوچە جیاجیاکانی هەرێمی کوردستان کردووە، بەتایبەت ناوچە شاخاوییەکان ڕێژەیەکی زۆر بەفریان لێ باریووە، ئاستەنگی بۆ هاتووچۆ دروست بووە.

 

لێدوانی فەرمی: عیماد محەممەدئەمین، بەڕێوەبەری چاککردن و پاراستنی ڕێگاوبانی هەولێر؛ بە ئاڤای گوت، "هەشت تیم و 12 ئامێری بەفرڕاماڵین بەشێوەی بەردەوام  تا بەرەبەیان کاریان کردووە، دەیان ئۆتۆمبێل و ژمارەیەک هاووڵاتی گیریان خواردبوو لە پێچەکانی زینەتیر کە بەشێکی زۆریان گەشتیار بوون، ڕزگار کراون."

 

-گوتیشی، "شەپۆلی بەفر و باران بەردەوامە، بایەکی بەهێزیشی لەگەڵە و بەستەڵەک لە ڕێگاکان دروست دەبێت، بۆیە داوا لە شوفێران دەکەین ئەو دوو ڕێگایە بەکارمەهێنن، چونکە لە نێو بەفر گیر دەخۆن."