پووتین: بە ئاشتیش نەبێت، بەهێز ئامانجەکانمان لە ئۆکرانیا بەدەست دێنین

ئاڤا نیوز

ڤلادیمیر پووتین، سەرۆکی ڕووسیا، پەیامێکی تووندی ئاراستەی کیێڤ و وڵاتانی ڕۆژئاوا کرد و ڕایگەیاند: سەرەڕای پێشکەشکردنی پێشنیازی ژیرانە بۆ کۆتاییهێنان بە ململانێکان، بەڵام ئۆکرانیا هیچ پەلەیەکی نییە بۆ ڕاگرتنی جەنگ.

 

لێدوانی فەرمی: پووتین لە نوێترین دەرکەوتنیدا لەگەڵ فەرماندە سەربازییەکانی وڵاتەکەی بە ڕاشکاوی ڕایگەیاند: "ئەگەر دەسەڵاتدارانی کیێڤ چارەسەری ئاشتییانەیان ناوێت، ئەوا ڕووسیا هەموو پرسەکان بە زەبری هێز یەکلایی دەکاتەوە."

 

زانیاریی زیاتر: سەرۆکی ڕووسیا ئاماژەی بەوە کرد ئێستا لە ڕۆژئاوا "کەسانی ژیر" پەیدا بوون کە ئامۆژگاری کیێڤ دەکەن مەرجە دادپەروەرەکان قبووڵ بکات.

 

باکگراوەند: لە شوباتی 2022ـەوە شەڕی نێوان ڕووسیا و ئۆکرانیا دەستیپێکردووە و سەرەڕای هەوڵەکانی ئاگربەست بەڵام هێشتا هەر بەردەوامە.