12 ئەفسەر و پلەداری ڕژێمی پێشووی سووریا دەستگیر کران

ئاڤا نیوز

هێزەکانی پاسەوانی سنووری سووریا، هەڵمەتێکیان بۆ ڕێگریکردن لە چوونە دەرەوەی نایاسایی بەرپرسانی ڕژێمی پێشوو دەستپێکردووە و لە دوایین چالاکیدا، گروپێکی 12 کەسییان لە کاتی هەڵاتن بەرەو لوبنان دەستگیر کرد.

 

وێنە گەورەکە: دوای ڕووخانی حکومەتەکەی بەشار ئەسەد، بەرپرسانی ئەو ڕژێمە هەوڵی هەڵاتن دەدەن و زۆربەیان دەیانەوێت ڕوو بکەنە لوبنان. 

 

ڕاگەیێنراوی فەرمی: وەزارەتی بەرگریی سووریا لە بەیاننامەیەکدا ڕایگەیاند، ئەو کەسانەی دەستگیر کراون، سەر بە ڕژێمی پێشوون و بەشێکیشیان پلەداری سەربازین. 

 

زانیاریی زیاتر: دەستگیرکردنەکە لە نزیک شارۆچکەی "تەلکەلەخ" لە پارێزگای حومس بووە.

 

ئەمەش بزانە: هەموو دەستگیرکراوەکان ڕادەستی لایەنە پەیوەندیدارەکان کراون بۆ گرتنەبەری ڕێکاری یاسایی.