قایمقامی پشدەر: مەرزی کێلێ بە داخراوی دەمێنێتەوە

ئاڤا نیوز

 

ماوەی دوو ڕۆژە بەهۆی بارینی بەفرێكی زۆر هەموو جۆرە هاتوچۆیەک لە مەرزی کێلێ ڕاگیراوە، بەرپرسێکی کارگێڕی ناوچەکەش دەڵێت، لە هەوڵداین بۆ بەیانی چارەسەری بکەین.

 

لێدوانی فەرمی: بەکر بایز، قایمقامی پشدەر بە ئاڤا میدیای ڕاگەیاند، یەک مەتر بەفر باریووە و ڕێگاکان بوون بە شەختە، تیمەکانمان بەردەوام سەرقاڵی پاککردنەوە ڕێگاکانن، بەشێک لە ڕێگای دەروازەی سنووری کێلێ پاککراوەتەوە و بەشێکی ماوە. دەشڵێت، لەگەڵ دیوی ئێران لەسەر هێڵین بۆ ئەوەی سبەی سێشەممە هاتووچۆ دەستپێبکاتەوە، ئەگەر کەشەکە لەباربێت و بەفربارین دەستپێنەکاتەوە و ئاستەنگ دروست نەبێت.

 

 زانیاریی زیاتر: هاتووچۆی گەشتیاری و جووڵەی بازرگانی لە هەردوو دیوی دەروازەی سنووری کێلێ تا ئێستا وەستاوە. 

 

باکگراوند: شەوی 27-12-2025 قایمقامیەتی قەزای پشدەر ڕایگەیاند، بۆ پاراستنی سەلامەتی سەروماڵی هاونیشتیمانیان و بەهۆی زۆری ڕێژەی بەفر بارین لەسنوورەکە، هاتووچۆ لە دەروازەی سنووری کێلێ ڕادەگیرێت.