دۆلار بەرز بوویەوە و هۆکارەکەی ئاشکرا دەکرێت

ئاڤا نیوز

 

نرخی دۆلار لە بازاڕەکاندا بەرزبووەتەوە و وتەبێژی بازاڕی دۆلار فرۆشانی هەولێر لەوبارەیەوە دەڵێت، خواست لەسەر کڕینی دۆلار زیادبووە.

 

لێدوانی فەرمی: کەیفی خۆشناو، وتەبێژی بازاڕی دۆلار فرۆشانی هەولێر بە ئاڤا میدیای وت: بەهۆی نزیکبوونەوەی سەریساڵی نوێ، پێکنەهاتنی حکومەتی نوێی عێراق، هاتنی گەشتیار، گەشتی بازرگانان و دەوڵەمەندەکان بۆ دەرەوە، خواست لەسەر کڕینی دۆلار زیاد بووە، بۆیە نرخی دۆلار بەرزبووەتەوە.

 

لەلایەکی دیکەوە: وتەبێژی بازاڕی دۆلار فرۆشان دەڵێت، ئێستا 100 دۆلار بە 143 هەزار و 500 دینار دەفرۆشرێت، پێشبینی دەکەین دوای سەری ساڵ نرخی 100 دۆلار ببێت بە 141 هەزار دینار.