فایەق زێدان: لە یەکەم دانیشتنی پەرلەمان دەبێت سەرۆکی پەرلەمان و دوو جێگرەکەی دیاریی بکرێت

ئاڤا نیوز

 

سەرۆکی ئەنجومەنی باڵای دادوەری هۆشداریی دەداتە لایەنە سیاسییەکان کە لە یەکەم دانیشتنی پەرلەماندا نابێت تەنها سوێندی یاسایی بخورێت، بەڵکو دەبێت سەرۆک و جێگرەکانیش هەڵبژێردرێن بۆ ئەوەی ڕێکارە دەستوورییەکان تەواو بن.

 

وێنە گەورەکە: سەرۆکی ئەنجومەنی باڵای دادوەری، دادوەر دکتۆر فایق زەیدان، پێشوازی لە عامر فایز ئەندامی پەرلەمان کرد، فایز وەک بەتەمەنترین ئەندامی پەرلەمان، سەرۆکایەتی دانیشتنی پەرلەمان دەکات.

 

لێدوانی فەرمی: دادوەر دکتۆر فایق زەیدان، دەڵێت، لە مادەکانی 54 و 55 دەستووردا بە ڕاشکاوی باس لەوە کراوە کە دەبێت سەرۆکی پەرلەمان و دوو جێگرەکەی لە یەکەم دانیشتنی پەرلەمانی نوێدا هەڵبژێردرێن. هەر لێکدانەوەیەک بە پێچەوانەوە، پێشێلکارییەکی  ڕوونی دەستورە .

 

ئەوەی پێویستە بیزانیت: ئێستا پەرلەمانی عێراق یەکەم دانیشتنی خۆی ئەنجام دەدات بە مەبەستی بەڕێوەبردنی مەراسیمی سوێندی دەستووری پەرلەمانتاران و هەڵبژاردنی سەرکردایەتی پەرلەمان.