مژدەیەکە بۆ خانەنشیانان کە هەفتەی داهاتوو دابەشکردنی ئیکرامیەی شەش مووچە دەستپێدەکاتەوە

ئاڤا نیوز

 

دابەشکردنی شەش مووچەکەی ئیکرامییە لە هەرێمی کوردستان دەستپێدەکاتەوە و نزیکەی پێنج ملیار دینار بۆ خانەنشینانی سنووری هەولێر تەرخان کراوە، لە چەند ڕۆژی داهاتوو دەست بە دابەشکردنی دەکرێت.

 

وێنە گەورەکە: ساڵی 2025 ژمارەیەکی زۆر لە فەرمانبەران خانەنشین بوون، بەشێک لەوانەی خانەنشین بوون، مەرجەکانی وەرگرتنی ئیکرامییەی 180 ڕۆژ مۆڵەتی کۆکراوەیان هەیە و شەش مووچەی بنەڕەتی ئیکرامییە دەیانگرێتەوە، بەشێك لەوانە لە مانگەکانی ڕابردوودا شەش مووچەکەیان بۆ خەرجکراوە.

 

لێدوانی فەرمی: خەتاب سابیر، بەڕێوەبەری خەزێنەی هەولێر بە ئاڤای گوت، "دوای پشووی سەری ساڵ دابەشکردنی ئیکرامیەی خانەنشینان دەستپێدەکاتەوە، تەنیا خانەنشینانی وەزارەتی پەروەردە ماون بە ئەگەری زۆرەوە هەفتەی داهاتوو وەریدەگرن."

 

زانیاریی زیاتر: بەگوتەی بەڕێوەبەری خەزێنەی هەولێر، ژمارەی ئەو خانەنشینانەی کە ئیکرامیەی شەش مووچە وەردەگرن زیاتر دەبێت، بەو پێیەی ئەو خانەنشینانەی لە چەند مانگی ڕابردوو خانەنشین بوون بەشێکیان مۆڵەتی کۆکراوەی 180 ڕۆژیان هەیە.