لە ئەنجامی ڕووداوێكی هاتووچۆ لە سنووری كۆیە سێ كەس گیانیان لەدەست دا

ئاڤا نیوز

لە سنووری قەزای كۆیە، ڕووداوێكی سەختی هاتووچۆ ڕووی دا و لە ئەنجامدا ژمارەیەک کەس گیانیان لەدەست دا  کە یەکێکیان ئافرەتە و ژمارەیەکیش بریندار بوون.

چیرۆکی سەرەکی: پاشنیوەڕۆی ئەمڕۆ چوارشەممە، ڕووداوێکی هاتووچۆ لە سنووری کۆیە ڕوویداوە و بەوهۆیەوە سێ کەس گیانیان لەدەست دا و چوار کەسی دیکەش برینداربوون.

لێدوانی فەرمی: تارق حەیدەر، قایمقامی کۆیە بە ئاڤای ڕاگەیاند: ڕووداوەکە لە دەشتی کۆیە نزیک گوندی سێوەسەن ڕوویداوە، بەو هۆیەوە سێ کەس گیانیان لەدەست داوە.

لەلایەكی دیكەوە: موقەدەم سەنگەر سەڵاحەددین، بەڕێوەبەری هاتووچۆی كۆیە بە ئاڤای ڕاگەیاند: جگە لە گیانلەدەستدانی سێ كەس، چوار كەسی دیكەش بریندار بوونە و دووانیان دۆخی تەندروستییان ناجێگیرە و ڕەوانەی نەخۆشخانەی فریاكەوتنی هەولێر كراون.