کەسایەتییەکی دیاری سۆشیال میدیا بە تۆمەتی سپیکردنەوەی پارە دەستگیر دەکرێت

ئاڤا نیوز

سەرچاوەیەکی ئەمنی عێراق هەواڵی دەستگیرکردنی تیکتۆکەر حوسام عەناد ناسراو بە "حسحس" لە بەغدا بە تۆمەتی سپیکردنەوەی پارە بڵاوکردەوە.

وێنە گەورەکە: لە عێراق چەندین ڕێگە و شێوازی جۆراوجۆر بۆ سپیکردنەوەی پارە بەکار دەهێنرێت، لەسەر ئەوکارەش تا ئێستاش چەندین بانکی عێراقی لەلایەن ئەمریکاوە سزا دراون و چەندین کەسیش دەستگیرکراون.

زانیاریی بەدەستهاتوو: سەرچاوەیەکی ئەمنی عێراق ڕاگەیاند: "لەکاتی لێکۆڵینەوە لە حسحس، تێوەگلانی لە ئۆپەراسیۆنەکانی سپیکردنەوەی پارەدا ئاشکرا بووە، بەپێی فەرمانی دادوەر ڕێکاری یاسایی پێویست بەرامبەری گیراوەتەبەر".

باکگراوند: پۆلیسی عێراق پێشتر لە کۆتایی مانگی ئایاری 2025 "حسحس"ـی بە  چەند تۆمەتێکی دیکە دەستگیرکردبوو، بەڵام دوای چەند ڕۆژێک بە کەفالەت ئازادیان کرد.