ئاڤا زانیاری لەبارەی ئەو ڕێگایانە بڵاودەکاتەوە کە ئاستەنگی هاتووچۆیان بۆ دروست بووە

ئاڤا نیوز

ئەو ڕێگایانەی بەرەو ناوچە گەشتیارییەکان دەچن، بەهۆی بارینی بەفرێکی زۆرەوە ئاستەنگیان بۆ دروست بوو و هاتووچۆکردن تێیاندا زەحمەت بووە، بەشێک لەو ڕێگایانە بەتەواوی داخراون.

وێنە گەورەکە: ماوەی هەفتەیەکە شەپۆلێکی چڕی بەفربارین زۆربەی ناوچەکانی هەرێمی کوردستانی گرتووەتەوە و پلەکانی گەرما دابەزیون بۆ ژێر سفری سیلیزی، بەشێک لە ڕێگاکان بوونەتە بەستەڵەک و شەختە، بەهۆیەوە هاتووچۆی ئۆتۆمبێلەکان ئەستەم بووە.

زانیاریی پەیامنێر: ئاڤا بەدواداچوونی کردووە ئێوارەی ئەمڕۆ پێنجشەممە، سەرەڕای ڕژاندنی خوێ لە ڕێگا سەرەکییەکان بۆ ڕێگری لە خلیسک، بەڵام ئاستەنگی هاتووچۆ لە چەندین شوێن دروست بووە، بەتایبەت ئەم ڕێگایانە:

٠ ڕێگای دهۆک - ئامێدی داخراوە.
٠ ڕێگای هاتووچۆی ناو سەنتەری ناحیەی دینارتە ئاستەنگی بۆ دروست بووە.
٠ نزیکەی 80 سانتیمەتر بەفر لە چیای پێرس باریوە، بەهۆیەوە ڕێگای چیای پێرس بە تەواوی داخراوە.

لە سنووری قەزای ئامێدی بەشێکی ڕێگاکان بەتەواوی داخراون بەم شێوەیە:

٠ سوارەتووکە - سەرسەنگ
٠ قەدش - ئامێدی
٠ ئامێدی - دێرەلووک و شێلادزێ
٠ ئامێدی - ناحیەی چەمانکێ
٠ ئامێدی -  کانی ماسی
٠ دەروزەی سەرزێڕ - باکووری کوردستان
٠ سەرزێڕ - کانی ماسی

لە سنووری ئیدارەی سەربەخۆی زاخۆ، ڕێگای نێوان قەزای باتیفا و ناحیەی بێگوڤا داخراوە.

ڕێگای مەرزی کێلێ و ڕێگای بەشێک لەگوندەکانی بناری قەندیل لەسنووری ناحیەی ژاراوە.

لە سنووری ئیدارەی سەربەخۆی سۆران ئەم ڕێگایانە ئاستەنگی هاتووچۆیان بۆ دروست بووە:

٠ ڕێگای دەروازەی نێودەوڵەتی حاجی ئۆمەران
٠ ڕێگای دەروازەی زێت
٠ ڕێگای خەلیفان - ئیدارەی ڕاپەڕین
٠ ڕێگای نێوان سۆران - قەزای مێرگەسۆر
٠ ڕێگای نێوان سۆران - قەزای سیدەکان
٠ ڕێگای هەشت گوندی دۆڵی مەلەکان
٠ ڕێگای هەشت گوندی سنووری قەزای خەلیفان
٠ ڕێگای سپیلک -شانەدەر