میدیای ئەمریکا: ترەمپ فەرمانی بە هێرشکردنە سەر ڤەنزوێلا کردووە

ئاڤا نیوز

 

سەر لە بەیانی ئەمڕۆ شەممە،  دەنگی حەوت تەقینەوەی بەهێز لە کاراکاسی پایتەختی ڤەنزوێلا بیسترا، بەگوێرەی زانیاریی میدیاکان تەقینەوەكان لە نزیك بنکەیەکی سەربازی لە باشووری پایتەختی وڵاتەکە ڕوویانداوە.

 

وێنە گەورەکە: ئەم تەقینەوانە لەكاتێکدان كە ماوەیەكە بەرپرسانی باڵای ئەمریكا بە ڕاستەوخۆ و ناڕاستەوخۆ هەڕەشە لە ڤەنزوێڵا دەكەن و بەوە تۆمەتباری دەکەن بووەتە سەرچاوەی هەناردەکردنی ماددەی هۆشبەر بۆ ناو خاکی ئەمریکا، چەند جارێکیش واشنتن مانۆڕی سەربازی لە نزیک کەنارە ئاوییەکانی ڤەنزوێلا ئەنجام داوە.

کاریگەری و لێکەوتەکان: بەپێی زانیارییە سەرەتاییەكان بەهۆی تەقینەوەکان کارەبای بەشێک لە پایتەختی ڤەنزوێلا پچڕاوە.

لێدوانی فەرمی: ئیدارەی دۆناڵد ترەمپ بە میدیای وڵاتەکەیان ڕاگەیاندووە، ئەوان "ئاگادار"ـی ئەو ڕاپۆرت و هەواڵانەن کە باس لە ڕوودانی تەقینەوە و هەڵفرینی فڕۆکە بەسەر ئاسمانی ڤەنزوێلا دەکەن. هاوکات   چەند بەرپرسێکی ئەمریکا بە کەناڵی سی بی سیان ڕاگەیاندووە: ترەمپ فەرمانی بە هێرشەکانی سەر ڤەنزوێلا کردووە.