وەزارەتی دارایی بۆ هاونیشتمانیان: سبەی پشووی فەرمییە و سەردانی بانکە حکومییەکان مەکەن

ئاڤا نیوز

 

وەزارەتی دارایی و ئابووریی هەرێمی کوردستان دەڵێت، سبەی یەکشەممە دەرگای بانکەکان بەڕووی هاووڵاتییان دادەخرێت هیچ مامەڵەیەک ڕایی ناکرێت.

 

هۆکارە زانراوەکان: ساڵانە بانکەکان لە عێراق و هەرێمی کوردستان دوو ڕۆژ پشوو وەردەگرن، بۆ پێداچوونەوە بە هەژماری نیوەی ساڵ تاوەکوو پاکتاوی شەش مانگیان ڕادەستی وەزارەتی دارایی بکەن.

 

لێدوانی فەرمی: سەرچاوەیەک لە بانکی هەرێم بە ئاڤای ڕاگەیاند، ئەمە یاساییە دەبێت بانکەکان شەش مانگ جارێک دوایین پاکتاوی بانکی ڕادەستی وەزارەت بکەن، ساڵانە لە 31ـی مانگ دەوامی بانکی ڕادەگیرێت، دوای کۆتایی پشووی سەری ساڵ یەکەم ڕۆژی دەوام، بانک پشوو وەردەگرێت لە مامەڵەی هاووڵاتیان هیچ مامەلەیەک ڕایی ناکرێت،  فەرمانبەران سەرقاڵی پاکتاوی هەژماری کۆتایی ئەم شەش مانگە دەبن.

 

لەلایەکی دیکەوە: وەزارەتی دارایی و ئابووری کوردستان ڕایگەیاند، ئاگاداری سەرجەم هاووڵاتییان دەکەین، سبەی یەکشەممە ڕێکەوتی 4-1-2026، پشووی بانکییە لە سەرجەم بانکە حکومیەکانی سەر بە بەڕێوبەرایەتیی گشتیی بانکە بازرگانیەکانی وەزارەتی دارایی و ئابوری حکومەتی هەرێمی کوردستان و دەرگای بانکەکان بەڕووی هاووڵاتیان دادەخرێت.

 

- جگە لە سوودمەندبووانی پڕۆژەی هەژماری من کە دەتوانن سەردانی بانکەکان بکەن بۆ وەرگرتنی کارتی بانکییان، هەروەها فەرمانبەران دەوامی ئاسایی خۆیان دەکەن بە مەبەستی ڕێکخستنی هاوسەنگی کۆتایی ساڵی دارایی 2025 .

 

زانیاریی زیاتر: پشووی بانکی ئەمساڵ دەکەوێتە 4-1-2026  و دەوامی بانک 5-1-2026 دەستپێدەکاتەوە، بۆیە داوا لە هاووڵاتیان دەكرێت سبەی سەردانی بانکەكان نەکەن و دەرگای بانکەکەکان ناکرێنەوە.