وەزارەتی ناوخۆی ڤەنزوێلا ئاماری کوژراو و بریندارانی ‌هێرشەکەی ئەمریکا بۆ سەر کاراکاس ڕادەگەیێنێت

ئاڤا نیوز

 

وەزارەتی ناوخۆی ڤەنزوێلا ئاماری کوژراوانی هێرشەکەی ئەمریکای بۆ سەر کاراکاسی پایتەخت بڵاوکردەوە و  دەڵێت، تاوەکو ئێستا 100 کەس کوژراوە بە دەیان کەسیش بریندار بوون. 

 

چیرۆکی سەرەکی: ڕۆژی 3ـی ئەم مانگە، بەفەرمانی دۆناڵد ترەمپ، سەرۆکی ئەمریکا، ھێزەکانی دێلتا، ئۆپەراسیۆنێکی فراوانیان لە کاراکاس ئەنجامدا و نیکۆڵاس مادورۆ و هاوژینی سیلیا فلۆرێسیان دەستگیر کرد و لە کاتی هێرشکردنەش ژمارەیەکی زۆری خەڵکی مەدەنی گیانیان لە دەست دا. 

 

ڕاگەیێنراوی فەرمی: وەزارەتی ناوخۆی ڤەنزوێلا، لە ڕاگەیێنراوێکدا بڵاویکردوە، تاوەکو ئێستا 100 کوژراو و ژمارەیەکی هاوشێوەش برینداربوونە. بەگوێرەی ڕاگەیێنراوەکە، نیکۆڵاس مادۆرۆ  و سیلیای هاوسەری لە کاتی هێرشەکەی ئەمریکادا بریندار بوون و دەیان خەڵکی مەدەنی کوژراون. وەزارەتی ناوخۆی ڤەنزوێڵا دەشڵێت: "نیکۆلاس مادۆرۆ، لە کاتی هێرشەکدا قاچی بریندار بووە، سیلیای هاوژینیشی گوللە بەر سەری کەوتووە بەڵام سەلامەت بووە."

 

ئەوەی پێویستە بیزانیت: ئیدارەی ترەمپ لە ساڵی 2020 بانگەشەی ئەوەی کرد کە سەرۆکی ڤەنزوێلا گرووپی بازرگانیکردن بە ماددەهۆشبەرەکانی بەڕێوەبردووە، لە ساڵی 2025 ئەمریکا ئەو باندانەی وەک ڕێکخراوێکی تیرۆریستی ناساند.