ترەمپ پلانی کۆبوونەوە لەگەڵ سەرۆکی کۆڵۆمبیا دادەنێت

ئاڤا نیوز

سەرۆکی ئەمریکا ڕایگەیاند، شانازییەکی گەورەیە لەگەڵ گۆستاڤۆ پترۆ هاوتا کۆڵۆمبیەکەی بۆ تاوتوێکردنی پرسەکانی بازرگانیکردن بە ماددە هۆشبەرەکان و ناکۆکییەکانی دیکەی نێوان هەردوو وڵات قسەی کردووە.

وێنە گەورەکە: دوای دەستبەسەرکردنی نیکۆلاس مادورۆ، سەرۆکی ڤەنزوێلا بە چەندین تۆمەتی جیاواز لەلایەن ئەمریکاوە، ڕاستەوخۆ ئەمریکا هەڕەشەکانی بۆ سەر وڵاتانی کوبا و کۆڵۆمبیا دەستپێکرد.

ئەوەی پێویستە بیزانیت: ئەمریکا سەرۆکی کۆڵۆمبیا بە تۆمەتی بازرگانیکردن بەماددەی هۆشبەر تۆمەتبار دەکات، لەبەرامبەردا سەرۆکی کۆڵۆمبیا هەڕەشە و تۆمەتەکانی ترەمپی ڕەت کردەوە.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، قسەی لەگەڵ گوستاڤۆ پترۆ هاوتا کۆڵۆمبییەکەی کردووە و پەیوەندییەکی تەلەفۆنیان ئەنجامداوە و تاوتوێی پرسەکان، لەنێویاندا بازرگانیکردن بە ماددە هۆشبەرەکان و ناکۆکییەکانی دیکەی نێوان هەردوو وڵات کردووە، دەشڵێت چاوەڕێی چاوپێکەوتنم لەگەڵیدا لە داهاتوویەكی نزیکدا.

لەبارەی دیدارەکەشەوە، ترەمپ وتی ئامادەکارییەکان بۆ ڕێکخستنی دیدارەکە دەستیان پێكردووە.