مەسرور بارزانی: بە ئامانجگرتنی کورد دەسەڵاتی دیمەشق دەخاتە ژێڕ پرسیارەوە

 ئاڤا نیوز

سەرۆکوەزیران مەسرور بارزانی پەیامێکی لەبارەی ڕووداوەکانی حەلەب بڵاوکردەوە و ئاماژە بەوە دەدات، شەڕ و توندوتیژی، چارەسەری بنەڕەتی هیچ کێشەیەک ناکات. هیچ بیانوو و پاساوێک نابێت ڕێگە بە پاکتاوی ڕەگەزی بدات.

 

پەیامی فەرمی: سەرۆکوەزیران مەسرور بارزانی، پەیامێکی لەبارەی ڕووداوەکانی حەلەب بڵاوکردەوە ە ڕایگەیاند: ماوەی سێ ڕۆژە شەڕی نێوان هێزەکانی ئاسایشی ناوخۆ و هێزە ئەمنییەکانی سەر بە حکومەتی سووریا لە گەڕەکە کوردییەکانی حەلەب بەردەوامە و بەهۆیەوە تاوەکو ئێستا، نۆ کەس گیانیان لەدەستداوە و 63ـی دیکەش برینداربوون، بەشێکی زۆری دانیشتووانی هەردوو گەڕەک ئاوارەبوون.

 

"ڕووداوەکانی حەلەب و بە ئامانجگرتنی کورد لە پێناو گۆڕینی دیموگرافیی ناوچەکە و دروستکردنی مەترسی بۆ سەر ژیانی هاووڵاتییانی سڤیل، دەسەڵاتی دیمەشق و ویژدانی کومەڵگەی نێودەوڵەتی دەخاتە ژێڕ پرسیارەوە."

 

لە بەشێکی دیکەی پەیامەکەیدا هاتووە، کە شەڕ و توندوتیژی، چارەسەری بنەڕەتی هیچ کێشەیەک ناکات. هیچ بیانوو و پاساوێک نابێت ڕێگە بە پاکتاوی ڕەگەزی بدات. پەلاماردانی گەڕەگە کوردنشینەکانی شاری حەلەب، ئێمەی بە قووڵی نیگەران کردووە. هیوادارین هەموو لایەک، دان بە خۆیاندا بگرن و ژیانی هاووڵاتییان بپارێزن و بۆ چارەسەریی کێشەکان، پەنا بو دیالۆگ و گفتوگۆ ببەن. 

 

دەقی پەیامەکەی  سەرۆکوەزیران مەسرور بارزانی  لەبارەی ڕووداوەکانی حەلەب

 

ڕووداوەکانی حەلەب و بە ئامانجگرتنی کورد لە پێناو گۆڕینی دیموگرافیی ناوچەکە و دروستکردنی مەترسی بۆ سەر ژیانی هاووڵاتییانی سڤیل، دەسەڵاتی دیمەشق و ویژدانی کومەڵگەی نێودەوڵەتی دەخاتە ژێڕ پرسیارەوە.

شەڕ و توندوتیژی، چارەسەری بنەڕەتی هیچ کێشەیەک ناکات. هیچ بیانوو و پاساوێک نابێت ڕێگە بە پاکتاوی ڕەگەزی بدات. پەلاماردانی گەڕەگە کوردنشینەکانی شاری حەلەب، ئێمەی بە قووڵی نیگەران کردووە.

هیوادارین هەموو لایەک، دان بە خویاندا بگرن و ژیانی هاووڵاتییان بپارێزن و بۆ چارەسەریی کێشەکان، پەنا بو دیالۆگ و گفتوگۆ ببەن. هەروەها هیوادارین سیستەمی حوکمرانی ئێستای سوریا لە ئاستی بەرپرسیارەتیی دەسەڵاتێکی دیموکرات و گشتگیر بۆ هەموو خەڵکی سووریا بێت.

 

08 کانوونی دووەم 2026