سەرۆککۆماری عێراق داوای ڕاگرتنی شەڕی حەلەب و پاراستنی هاووڵاتیان دەکات

ئاڤا نیوز

سەرۆککۆماری عێراق، نیگەرانیی قووڵی خۆی لەبارەی تووندبوونی پێکدادانەکان و کردەوەکانی تووندوتیژی لە شاری حەلەبی سووریا دەربڕی.  داوای لە هەموو لایەنەکان کرد دان بە خۆیاندا بگرن و بگەڕێنەوە سەر مێزی گفتوگۆ بۆ چارەسەرکردنی کێشەکان بە ڕێگەی ئاشتییانە.

ڕاگەیێنراوی فەرمی: سەرۆککۆماری عێراق، جەختی لە پێویستیی ڕاگرتنی دەستبەجێی شەڕ و پێکدادانەکان کردەوە کە تەنیا دەبنە هۆی کوژرانی مەدەنییەکان و تێکدانی سەقامگیریی ناوچەکە. پاڵپشتیی خۆی بۆ ئەو چارەسەرە ئاشتییانە نیشاندا کە پێکەوەژیان دەچەسپێنن، ئاماژەی بەوەش کرد کە هەموو پێکهاتەکانی گەلی سووریا تەواکەری یەکترن.

عەبدوللەتیف ڕەشید جەختی کردەوە کە لەم بارودۆخە ئاڵۆزەدا دیالۆگ دەبێت تەنیا بژاردە بێت، چونکە بەردەوامیی شەڕ تەنیا دەبێتە هۆی کەوتنەوەی قوربانی لەنێو هاووڵاتییان، بەتایبەتی ژنان و منداڵان، کە ئێستا لە ناو جەرگەی ململانێکاندا گیانیان لە مەترسیدایە.