زیاتر لە 142 هەزار کەس لە حەلەب ئاوارە بوون

ئاڤا نیوز

لیژنەی ناوەندیی وەڵامدانەوە لە حەلەب ڕایگەیاند، لەگەڵ دەستپێکردنی شەپۆلی ئاوارەبوون، تا ئێستا 142 هەزار مەدەنی لە گەڕەکەکانی شێخ مەقسوود و ئەشرەفیە چوونەتە دەرەوە.

ڕاگەیێنراوی فەرمی: لیژنەکە لە ڕاگەیێنراوێکدا ئاماژەی بەوە کرد، تەنیا لە ئەمڕۆدا 13 هەزار کەس لە ڕێگەی 80 پاسەوە گوازراونەتەوە بۆ 12 ناوەندی حەوانەوە لەناو شار و ناوچەکانی عەفرین و عەزاز، تاوەکو لە مەترسییەکانی شەڕ بپارێزرێن.

هەر بەگوێرەی ڕاگەیێنراوەکە، لەکاتی پڕۆسەی چۆڵکردنەکەدا، بەهۆی پێکدادانەکانەوە 10 کەس گیانیان لەدەستداوە و 88 کەسی دیکەش برینداربوون.

زانیاریی زیاتر: لیژنەکە جەخت دەکاتەوە، تیمە پزیشکییەکان خەریکی فریاگوزاریی سەرەتایین، بەڵام بەهۆی مەترسییە ئەمنییەکان، هێشتا ناتوانرێت بگەنە ژمارەیەک نەخۆش کە لەناو گەڕەکەکاندا گیریان خواردووە.