محەممەد حاجی مەحموود: هێرشەكانی حەلەب سەرەتای شەڕێكی گەورەیە بۆ سڕینەوەی كورد لە سووریا

ئاڤا نیوز

محەممەد حاجی مەحموود، سەرۆكی پارتی سۆسیال دیموكراتی كوردستان، هۆشداریی تووند لەبارەی هێرشەکانی شاری حەلەب دەدات و ڕایدەگەیێنێت، دەسەڵاتی ئێستای سووریا بە هیچ شێوەیەک بوونی کورد وەک ئەم واقیعەی ئێستا قبووڵ ناکات.

چیرۆکی سەرەکی: ئەم پەیامەی محەممەد حاجی مەحموود لە کاتێکدایە کە گەڕەکە کوردنشینەکانی شێخ مەقسوود و ئەشرەفییە لە حەلەب، کەوتوونەتە ژێر تووندترین هێرشی تانک و تۆپهاوێژەکانی سوپای عەرەبی سووریا.

لێدوانی فەرمی: محەممەد حاجی مەحموود ڕایگەیاند: "ئەو هێرش و پەلامارانەی دەستیان پێکردووە، سەرەتای شەڕێکی گەورە و سەختە لە دژی کورد لە ڕۆژئاوای کوردستان. لە کاتێکدا داوای چارەسەری ئاشتییانە دەکەین، پشتیوانی تەواوی گەلەکەمان دەکەین لە بەرامبەر داگیرکەران."

"ئەو هێرش و پەلامارانەی کە دەستییان پێکردووە، سەرەتای شەڕێکی گەورە و سەختە لە دژی کورد لە ڕۆژئاوای کوردستان".