سەفین دزەیی: لەسەر هەموو لایەک پێویستە دان بە خۆیاندا بگرن

ئاڤا نیوز

هێرشی گرووپە چەکدارەکانی سەر بە حکومەتی دیمەشق بۆ سەر گەڕەکە کوردنشینەکانی حەلەب بەردەوامە؛ گرژییەکان لە پەرەسەندندان و بە هەزاران خێزان دەربەدەر بوون.

لێدوانی فەرمی: سەفین موحسین دزەیی، بەرپرسی فەرمانگەی پەیوەندییەکانی دەرەوەی حکومەتی هەرێمی کوردستان، لە پلاتفۆڕمی ئێکس لە پەیامێکدا نیگەرانیی قووڵی خۆی بۆ پەرەسەندنی گرژییەکانی حەلەب و بەکارهێنانی هێزی سەربازی دەردەبڕێت و دەڵێت: "بە نیگەرانییەکی زۆرەوە لە پەرەسەندنی گرژییەکانی ئەم دواییە و بەکارهێنانی هێزی سەربازی لە شاری حەلەب دەڕوانین."

سەفین دزەیی گوتیشی: "لەسەر هەموو لایەک پێویستە دان بە خۆیاندا بگرن، ڕێز لە یاسا مرۆییە نێودەوڵەتییەکان بگرن و ژێرخان و ژیانی خەڵکی مەدەنی بپارێزن، هەروەها لە ڕێگەی گفتوگۆی ئاشتییانەوە کێشەکان چارەسەر بکەن."

ئەم پەیامەی سەفین دزەیی لە کاتێکدایە کە سێ ڕۆژە شەڕ و پێکدادانەکانی حەلەب بەردەوامن؛ هەزاران خێزان لە گەڕەکەکانی شێخ مەقسوود و ئەشرەفییە لە بارودۆخێکی خراپدان.