چەکدارانی ئاسایشی هەسەدە لە حەلەب بۆ ڕۆژهەڵاتی فورات دەگوازرێنەوە

ئاڤا نیوز

دەسەڵاتدارانی سووریا ڕۆژی هەینی ڕایانگەیاند کە گەمارۆی سەر گەڕەکەکانی ئەشرەفییە و شێخ مەقسوود لە شاری حەلەب کۆتایی پێ دێت و سەرجەم ئەو چەکدارانە بۆ ناوچەکانی ژێر دەسەڵاتی کورد لە باکوور و ڕۆژهەڵاتی سووریا دەگوازرێنەوە.

ڕاگەیێنراوی فەرمی: بەگوێرەی ڕاگەیێنراوێکی بەڕێوەبەرایەتیی ڕاگەیاندنی حەلەب، بڕیارە لە کاتژمێرەکانی داهاتوودا ئەندامانی هێزەکانی سووریای دیموکرات (هەسەدە) بەرەو ڕۆژهەڵاتی ڕووباری فورات بەڕێ بکەون و ڕێگە بدرێت چەکی سووک لەگەڵ خۆیان ببەن.

ئەوەی پێویستە بیزانیت: ئەم هەنگاوە دوای ئەوە دێت کە وەزارەتی بەرگریی سووریا ئاگربەستی لەنێو شاری حەلەب ڕاگەیاند، ئەوەش دوای چەند ڕۆژێک لە پێکدادانی سەخت لە نێوان سوپای سووریا و هێزەکانی ئاسایشی حەلەب، سەر بە هەسەدە.