ڕووسیا 36 مووشەک و 242 درۆن ئاراستەی ئۆکرانیا دەکات

ئاڤا نیوز

هێزی ئاسمانیی ئۆکرانیا ڕایگەیاند، شەوی ڕابردوو ڕووسیا یەکێک لە گەورەترین هێرشە ئاسمانییەکانی بۆ سەر ئەو وڵاتە ئەنجام داوە و 242 درۆن و 36 مووشەکی جۆراوجۆری ئاراستەی ئۆکرانیا کردووە.

ڕاگەیێنراوی فەرمی: مۆسکۆ لای خۆیەوە جەختی لە هێرشەکە کردەوە و ڕایگەیاند کە ئەمە "هێرشێکی تۆڵەسەندنەوە" بووە؛ سوپای ڕووسیا ئاشکرای کرد کە لەم هێرشەدا مووشەکی "ئۆرێشنیک" (Oreshnik)ی بەکار بردووە کە خێراییەکەی سەروو خێرایی دەنگە.

لەلایەکی دیکەوە: هێزی ئاسمانیی ئۆکرانیا لە بەیاننامەیەکدا ئاماری بەرپەرچدانەوەی هێرشەکەی بڵاو کردەوە و ڕایگەیاند، سیستمەکانی بەرگریی ئاسمانی توانیویانە 226 درۆن بخەنە خوارەوە، هەروەها 18 مووشەکی ڕووسی پێش پێکانی ئامانجەکانیان تێکشکێنراون.

زانیاریی زیاتر: ئەم پەرەسەندنە سەربازییە لە کاتێکدایە کە بەکارهێنانی مووشەکی پێشکەوتووی جۆری "ئۆرێشنیک" لەلایەن ڕووسیاوە وەک پەیامێکی توند بۆ ئۆکرانیا و وڵاتانی ڕۆژئاوا دەبینرێت.