لە حەلەب 28 کەس شەهید بوون و 142 هەزار کەسیش ئاوارەبوون

ئاڤا نیوز

دوای چەند ڕۆژێک لە پێکدادانی خوێناوی و بۆردوومانی چڕ بۆ سەر گەڕەکەکانی شێخ مەقسوود و ئەشرەفییە، ئامارە مرۆییەکان گەیشتوونەتە ئاستێکی مەترسیدار؛ دەیان کەس شەهید و بریندار بوون و شارەکە ڕووبەڕووی شەپۆلێکی گەورەی ئاوارەبوون بووەتەوە.

وێنە گەورەکە: بەهۆی ئەو شەڕە لەناکاوەی تووشی دانیشتووانی هەردوو گەڕەکی کوردنشینی ئەشرەفییە و شێخ مەقسوود بووە، زیاتر لە 142 هەزار کەس لە ماوەیەکی کەمدا ئاوارەبوون.

چیرۆکی سەرەکی: نیوەڕۆی ڕۆژی هەینی بەگوێرەی ئامارەکانی کە هێزەکانی سووریای دیموکرات (هەسەدە) ڕایانگەیاندووە 28 کەس شەهید بوون و 115ـی دیکە بریندارن. هاوکات مانگی سوور ئاماری 13 شەهید و 100 برینداری پشتڕاست کردووەتەوە.

زانیاریی زیاتر: هەر بەگوێرەی زانیارییەکان زیاتر لە 142 هەزار هاووڵاتی لە ترسی شەڕەکە ماڵ و حاڵیان جێهێشتووە.

لەلایەکی دیکەوە: بەڕێوەبەرایەتیی تەندروستیی حەلەب دەڵێت: 9 کوژراو و 55 برینداریان هەیە، هەرچەندە سەرچاوە مەیدانییەکان باس لە ژمارەیەکی زۆر زیاتر دەکەن.