درووزەکانی سووریا: هێرش بۆ سەر گەڕەکە کوردییەکان "تاوانی جەنگە"

ئاڤا نیوز

پێکهاتەی درووز، سەرکۆنەی هێرشە سەربازییەکانی بۆ سەر گەڕەکەکانی شێخ مەقسوود و ئەشرەفییە کرد و ڕایگەیاند، بەئامانجگرتنی ناوچە نیشتەجێبووەکان دەچێتە خانەی "تاوانی جەنگ"ـەوە.

وێنە گەورەکە: ئەم هەڵوێستەی سوەیدا گوزارشتە لە جۆرێک ئەزموونی تاڵ کە ماوەی ڕابردوو درووزەکان خۆشیان خاوەن ئەزموونێکی تاڵبوون لەوەی هێزەکانی سوپای عەرەبی سووریا هێرشێکی فراوانیان کردە سەر ئەو پێکهاتەی سووریاش، ئێستا هاوسۆزییان بۆ دانیشتووانی هەردوو گەڕەکە کوردییەکەی حەلەب دەربڕیوە. 

ڕاگەیێنراوی فەرمی: لیژنەی یاسایی لە سوەیدا لە بەیاننامەیەکی فەرمیدا باسی لەوەکرد، بەئامانجگرتنی ماڵەکان و ترساندنی دانیشتووان، بەزاندنی هەموو سنوورە ئەخلاقی و نێودەوڵەتییەکانە.

ڕاگەیێنراوەکە جەختکردنەوەیە لەسەر جێبەجێکردنی ڕێککەوتنی "10ی ئازار" کە وەک نەخشەڕێگایەک بۆ سەقامگیری واژۆ کراوە.

زانیاریی زیاتر: هەر لە ڕاگەیێنراوەکەدا هاتووە، "بەئامانجگرتنی ناوچە نیشتەجێبووەکان و بڵاوکردنەوەی ترس لە نێوان دانیشتوواندا، بەزاندنی هەموو سنوورە مرۆییەکانە. پاراستنی مەدەنییەکان ئەرکێکی یاسایی و ئەخلاقییە و ناکرێت سازشی لەسەر بکرێت."