سوپای عەرەبی سووریا هۆشداری بە دانیشتووانی شێخ مەقسوود دەدات

ئاڤا نیوز

سوپای سووریا خۆی بۆ گەڕێکی دیکە شەڕ لە گەڕەکە کوردنشینەکان ئامادە دەکات و گەڕەکی "شێخ مەقسوود" وەکو ناوچەی سەربازیی داخراو ڕاگەیاند، هاوکات هاتووچۆی تەواوەتی قەدەغە کرد.

ڕاگەیێنراوی فەرمی: لە ڕاگەیێنراوێکدا دەستەی ئۆپەراسیۆنەکانی سوپای عەرەبی سێ بڕیار لەبارەی گەڕەکی شێخ مەقسوود دەدات:

٠ ڕایدەگەیێنین گەڕەکی شێخ مەقسوود ناوچەیەکی سەربازیی داخراوە.

٠ قەدەغەی تەواوی هاتووچۆ لە گەڕەکی شێخ مەقسوود ڕادەگەیەنین، کە لە کاتژمێر 06:30 خولەکی ئێوارەی ئەمڕۆ دەستپێدەکات تا کاتێکی نادیار.

٠ داوا لە هاووڵاتیانی ناو گەڕەکەکە دەکەین لە پەنجەرەکان دوور بکەونەوە و بچنە نهۆمەکانی خوارەوە، هەروەها وریابن لە نزیکبوونەوە لە بنکەکانی هەسەدە.