بەهۆی بۆردوومانی سەر نەخۆشخانەکان سێ کەس شەهید بوون و دوو کەسی دیکەش دەستگیرکراون

ئاڤا نیوز

ئێوارەی ئەمڕۆ هێزەکانی سوپای عەرەبی سووریا بۆردوومانی نەخۆشخانەی عوسمان و خالید فەجریان لە حەلەب کرد، بەهۆیەوە بەشێکی نەخۆشخانەکە ئاگری گرت و ژمارەیەک کارمەند و هاوڵاتی مەدەنی شەهید و بریندار بوون.

چیرۆکی سەرەکی: ماوەی چوار ڕۆژە  هێرشی سوپای عەرەبی سووریا بۆسەر گەڕەکە کوردییەکانی حەلەب بەردەوامە،  لەو ماوەیەدا شەش جار هێرشکراوەتەوە سەر نەخۆشخانەی خالید فەجر، بەهۆیەوە ژمارەیەک کارمەند و هاووڵاتی شەهید و بریندار بوون.

لێدوانی فەرمی: د. دڵگەش عیسا، سەرۆكی مانگی سووری كوردی تایبەت بە ئاڤا ڕایگەیاند، دۆخێكی كارەساتبار باڵی بەسەر هەردوو گەڕەكی شێخ مەقسوود و ئەشرەفییە كێشاوە، خزمەتگوزاریی تەندروستیش لە نەخۆشخانەكانی ئەشرەفییە وەستاوە و سێ کەس لەناو نەخۆشخانەکەدا شەهید بوونە و دوو کەسی دیکەش دەستگیرکراون.

زانیاریی بەدەستهاتوو: بەپێی زانیارییەکان ناوی شەهید و بریندار و ڕفێنراوەکان ئەمانەن:

٠ عەدنان عارف عوسمان،  ئەندامی نەخۆشخانەی عوسمان لە ئەشرەفییە (شەهید)
٠ عەلی حەنیف عوسمان،  دەرمانساز (شەهید)
٠ ئۆریە عەبدولخالق (شەهید)
٠ عەبدۆ قەدۆ (ڕفێنراو)
٠ هێڤین حەدد (ڕفێنراو)
٠ زیاتر لە 80 کەس بریندارن