ترەمپ لەبارەی گرینلاندەوە؛ ڕێککەوتن دەکەم بە ئاسانی یان بە سەختی

ئاڤا نیوز

سەرۆکی ئەمریکا چاوی لە دوورگەی گرینلاندە و جارێکی دیکە خواستی خۆی بۆ بەدەستهێنانی ئەو دوورگەیە دەردەبڕێت؛ جەختیش لەوە دەکاتەوە کە دەیەوێت ڕێککەوتن بکات، جا چ بە ڕێگەیەکی ئاسان یاخود بە ڕێگەیەکی سەخت بێت.

لێدوانی فەرمی: دۆناڵد ترەمپ، سەرۆکی ئەمریکا لە کۆشکی سپییەوە ڕایگەیاند، بە هەر نرخێک بێت ئەمریکا ئامانجەکەی بەدەست دەهێنێت؛ پێم خۆشە ڕێککەوتنەکە بە ئاسانی بکرێت، بەڵام ئەگەر بە ڕێگەی ئاسان نەبێت، ئەوا بە ڕێگەی سەخت ئەنجامی دەدەین.

دەشڵێت: "حەزم لە دانیمارکە و ئەوان زۆر باش بوون لەگەڵم، بەڵام تەنیا لەبەر ئەوەی 500 ساڵ لەمەوبەر بە کەشتی گەیشتوونەتە ئەوێ، مانای ئەوە نییە کە خاوەنی بن."

ئەوەی پێویستە بیزانیت: ئەم خواستەی ترەمپ لە کاتێکدایە کە پێی وایە بەدەستهێنانی گرینلاند بۆ ئاسایشی نیشتمانیی ئەمریکا لە بەرامبەر چین و ڕووسیادا زۆر گرنگە، نایەوێت ڕێگە بەوان بدرێت کە جێی خۆیان لەو ناوچە ستراتیژییەدا بکەنەوە.

زانیاریی زیاتر: ئەم گوتانەی ترەم کاردانەوەی جیاوازی لێکەوتووەتەوە لەوانە؛ سەرۆکوەزیرانی دانیمارک بە تووندی وەڵامی ترەمپ دەداتەوە و دەڵێت: هەر هێرشێکی ئەمریکا بۆ سەر وڵاتێکی هاوپەیمان، کۆتایی بە هەموو شتێک دەهێنێت و پەیوەندییە نێودەوڵەتییەکان هەڵدەوەشێنێتەوە.