ترەمپ: ئێران زیاتر لە هەموو کاتێک چاوی لە ئازادییە و ئەمریکا ئامادەیە هاوکارییان بکات

ئاڤا نیوز

 

دوای ئەوەی دۆناڵد ترەمپ، هەڕەشەی لە دەسەڵاتدارانی ئێران کرد کە ئەگەر هێز لە دژی خۆپیشاندەران بە کاربێنن ئەوا ئەمریکا بێدەنگ نابێت، ئەمجارە لە نوێترین پەیامی لە تۆڕی تڕووس سۆشیاڵ تیشکی خستە سەر بارودۆخی ئێران و پشتیوانی وڵاتەکەی بۆ گەلی ئێران دەربڕی.

 

وێنە گەورەکە: دوو هەفتەیە، بەهۆی گرانی و بێکاریی، خۆپیشاندان لە شارە جیاوازەکانی ئێران بەردەوامە، دوای ئەوەی دۆناڵد ترەمپ هەڕەشەی لە ئێران کرد و ڕایگەیاند، ئەگەر ئێران بە زەبر و هێز ڕووبەڕووی خۆپیشاندەران ببێتەوە ئەمریکا بێدەنگ نابێت، ئەمجارە ئامادەی ئەمریکای بۆ هاوکاریی گەلی ئێران دووپات کردەوە.

 

پەیامی فەرمی: دۆناڵد ترەمپ، سەرۆکی ئەمریکا، لە لە تۆڕی تڕووس سۆشیاڵ ڕایگەیاند: "ئێستا ئێران زیاتر لە هەر کاتێکی دیکە چاوی لە ئازادییە، گەلی ئەو وڵاتە هەوڵ بۆ بەدەستهێنانی مافەکانیان دەدەن، ئەمریکا لە ئامادەباشی تەواودایە بۆ ئەوەی هاوکاری پێشکەش بکات لە پێناو گەیشتن بەو ئازادییە."

 

زانیاریی زیاتر: قسەکانی دۆناڵد ترەمپ، لە کاتێکدایە چەند ڕۆژێک پێش ئێستا وتبووی، ئێران 150 ساڵ گەڕاوەتەوە دواوە و هە جووڵەیەک لە دژی خۆپیشاندەران بکات لێی بێدەنگ نابن.