مەسرور بارزانی بۆ جێگری سەرۆکی پەرلەمان: کێشەکان تەنیا لەسەر بنەمای دەستوور چارەسەر دەبن

ئاڤا نیوز

مەسرور بارزانی، سەرۆکی حکومەتی هەرێمی کوردستان، پێشوازی لە فەرهاد ئەترووشی، جێگری سەرۆکی ئەنجوومەنی نوێنەرانی عێراق کرد؛ تەوەری سەرەکیی دیدارەکە داکۆکیکردن بوو لە مافەکانی گشت پێکهاتەکان و چارەسەرکردنی کێشە هەڵپەسێردراوەکانی نێوان هەولێر و بەغدا.

چیرۆکی سەرەکی: ئەمڕۆ یەکشەممە 11-1-2025, مەسرور بارزانی سەرۆکی حکومەتی هەرێمی کوردستان، پێشوازی لە فەرهاد ئەترووشی، جێگری سەرۆکی ئەنجوومەنی نوێنەرانی عێراق کرد.

ڕاگەیێنراوی فەرمی: ماڵپەڕی فەرمی حکومەتی هەرێمی کوردستان بڵاویکردەوە، لە دیدارەکەدا گفتوگۆ لە بارەی ڕۆڵی کارای ئەنجوومەنی نوێنەرانی عێراق لە بواری یاسادانان و چاودێریی و داکۆکیکردن لە مافەکانی گشت هاووڵاتی و پێکهاتەکانی عێراق کرا.

زانیاریی زیاتر: لە کۆبوونەوەکەدا سەرۆکی حکومەت وێڕای دەربڕینی پشتیووانی بۆ ئەنجوومەنی نوێنەران وەک دەسەڵاتی یاسادانان، جەختیشی لە گرنگیی چارەسەرکردنی کێشەکانی نێوان هەرێمی کوردستان و حکومەتی فیدراڵ لە سەر بنەمای دەستوور و ڕێککەوتنەکان و ڕێزگرتن لە قەوارەی فیدراڵی و دەستووری هەرێمی کوردستان کردەوە.