وەزارەتی ناوخۆ لە سزای گرێبەستی ئەلیکترۆنی خۆش دەبێت

ئاڤا نیوز

وەزارەتی ناوخۆی حکومەتی هەرێمی کوردستان بڕیارێکی نوێی لە بەرژەوەندیی خاوەن ئۆتۆمبێلەکان دەرکرد؛ بەپێی بڕیارەکە، هەر هاووڵاتییەک لە وادەی یاساییدا گرێبەستی ئەلیکترۆنیی ئەنجام نەدابێت، لە سزای دارایی دەبەخشرێت.

چیرۆکی سەرەکی: وردەکاریی بڕیارەکەی وەزارەتی ناوخۆ بەم شێوەیەیە: ئەو کەسانەی 60 ڕۆژ بەسەر کڕینی ئۆتۆمبێلەکەیاندا تێپەڕیوە و هێشتا تۆماریان نەکردووە یان گواستنەوەی خاوەندارێتییان بۆ نەکردووە ، سزای دارایی (غەرامە)ی دواکەوتنی گرێبەستی ئەلیکترۆنی بە تەواوی لادەبرێت، هاووڵاتیان تاوەکو ڕۆژی 1-2-2026 دەرفەتیان لەبەردەمدایە بۆ سوودمەندبوون لەم بڕیارە.

ڕاگەیێنراوی فەرمی: وەزارەتی ناوخۆی حکومەتی هەرێمی کوردستان ڕایگەیاند: "ئەو کەسانەی نەیانتوانیوە لە کاتی خۆیدا ئۆتۆمبێلەکانیان تۆمار بکەن یان گواستنەوەی خاوەندارێتی بۆ ئەنجام بدەن، ڕەزامەندی درا کە لە سزای دواکەوتن ببەخشرێن."

ئەوەی پێویستە بیزانیت: تەنیا کەمتر لە سێ هەفتە بۆ تەواوکردنی مامەڵەکان ماوە. ئەوانەی لە دوای 1ـی شوبات (1-2-2026) سەردانی فەرمانگەکان دەکەن، جارێکی دیکە سیستەمی غەرامە دەیانگرێتەوە و دەبێت بڕە پارەی دیاریکراو وەک سزا بدەن.