پاپا دوعا بۆ سووریا، ئێران و ئۆکراینا دەکات

ئاڤا نیوز

پاپا لیۆی چواردەیەم، پاپای ڤاتیکان و ڕێبەری کاتۆلیکەکانی جیهان، لە میانی نوێژی هەفتانەیدا نیگەرانی قووڵی خۆی نیشاندا سەبارەت بە پەرەسەندنی تووندوتیژییەکان لە ڕۆژهەڵاتی ناوەڕاست و ئەوروپای ڕۆژهەڵات.

وتاری فەرمی: پاپا لیۆ لە وتارەکەیدا ڕایگەیاند: "بیرم لای ئەو ڕووداوانەیە کە ئەمڕۆ لە ڕۆژهەڵاتی ناوەڕاست ڕوودەدەن، بەتایبەت لە ئێران و سووریا، کە گرژییە بەردەوامەکان بوونەتە هۆی گیانلەدەستدانی ژمارەیەکی زۆر لە خەڵک."

داوای کرد لەپێناو بەرژەوەندیی گشتیی کۆمەڵگەدا، ڕێگەی گفتوگۆ و ئاشتی بگیرێتەبەر و وتی: "هیوادارم و نزا دەکەم بۆ گەشەکردنی ئارامگرانەی گفتوگۆ و ئاشتی."

لەلایەکی دیکەوە: لە بەشێکی تری وتارەکەیدا، پاپا لیۆ ئاماژەی بە هێرشە "زۆر سەختەکانی" ئەم دواییەی ڕووسیا کرد بۆ سەر ژێرخانی وزەی ئۆکرانیا و هۆشداری دا کە ئەم هێرشانە لەگەڵ هاتنی وەرزی سەرما، ژیانی مەدەنییەکانیان خستووەتە مەترسییەکی گەورەوە.